Du må sende inn vitnemål frå vidaregåande skole som viser at du har generell studiekompetanse i Noreg. Det er fleire vegar til generell studiekompetanse. Dersom du er usikker på om du har studiekompetanse i Noreg kan du sjå på nettsidene til Samordna opptak. Der finn du også informasjon om generell studiekompetanse med utdanning frå utlandet. 

Du må sende inn endeleg opptaksbrev utan faglege vilkår frå lærestaden (unconditional offer). Har du fått eit opptaksbrev med faglege vilkår, må du vente med å søke til du har fått tilsendt eit nytt og endeleg opptaksbrev frå lærestaden.

Opptaksbrevet må vise namnet ditt, kva grad du skal ta, for eksempel bachelorgrad, at du studerer på fulltid, fagretning og lengd på graden med forventa avslutning

Skal du betale skolepengar (tuition fee), må du sende inn stadfesting frå lærestaden som viser kor mykje du skal betale. Lån og stipend til skolepengar frå Lånekassen skal berre dekke faktiske skolepengar. Det vil seie avgifter som er direkte knytt til undervisninga.

Det er derfor viktig at stadfestinga du sender ikkje inneheld andre avgifter. Eksempel på slike avgifter kan vere kost og losji.

Dersom du får stipend frå lærestaden eller andre aktørar, som skal gå til å dekke skolepengar, må du også dokumentere det. Lånekassen dekker berre det beløpet du sjølv betaler. Vi godtar ikkje utskrift frå nettsider eller e-post.

Som hovudregel må du vere norsk statsborgar for å ha rett til lån og stipend til utdanning i utlandet. Er du norsk statsborgar treng du ikkje sende inn dokumentasjon.

Er du utanlandsk statsborgar må du dokumentere korleis du oppfyller vilkåra som gir rett til stipend og lån.

Er du borgar frå eit EØS- eller EFTA-land, eller familiemedlem til ein borgar frå eit EØS- eller EFTA-land, kan du ha rett til lån og stipend på visse vilkår, for eksempel dersom du eller familiemedlemmet er arbeidstakar i Noreg eller har varig opphald i Noreg.  Klikk her for å lese meir om dokumentasjon for borgarar frå EØS- og EFTA-land.

Er du ikkje EØS- eller EFTA-borgar, eller i familie med ein EØS- eller EFTA-borgar har du ikkje rett til lån og stipend til utdanning i utlandet. Du kan likevel ha rett til støtte til utdanning i Noreg.

Du må oppfylle kravet om tilknyting til Noreg når du søker om stipend og lån til utdanning i utlandet. Dette er relevant for deg som har budd i utlandet i lengre tid, uavhengig av om du er norsk eller utenlandsk statsborger. 

Lærestaden skal stadfeste fagleg progresjon for det aktuelle kalenderåret. Har du stroke på eksamen, skal lærestaden opplyse om det i skjemaet. Dersom du ikkje har avlagt eksamenar ennå, skal lærestaden din oppgi om du er fagleg i rute.

Begynte du utdanninga di den same våren som du fekk skjemaet, skal du også sende det inn. Lærestaden må bekrefte at du er oppmeld til fulltidsutdanning og eventuelt kor mykje du har betalt i skolepengar.

Har du betalt skolepengar, må skjemaet vise kor mykje du har betalt for både hausten og våren.

Betaler du i avdrag til lærestaden, må du vente med å sende inn skjemaet til heile skolepengebeløpet er betalt. Lærestaden skal berre føre opp reine skolepengar/tuition fee, og ikkje inkludere bu- og levekostnader, eller eventuelle stipend du får frå andre.

Gir lærestaden ditt deg for eksempel eit brev i staden for skjemaet du får av oss, kan vi godta det. Brevet må innehalde dei same opplysningane som skjemaet og vere retta til deg personleg.

Du må sende inn offisiell eksamensutskrift på kva fag du har bestått, og kor mange ECTS, credits eller studiepoeng du har bestått. Du må også sende inn vitnemål/diplom som viser at graden din er fullført.