Behandlingstid

Oversikt over saksbehandlingstida du kan rekne med dersom du søker no.

Behandlingstid for ulike sakstypar

Det er ulik behandlingstid for ulike typar søknadar og meldingar. Behandlingstida varierar utover året, og er lengst på hausten når vi får inn mange søknadar.

Sist oppdatert 24.08.2026.

Dersom søknaden kan vurderast av ein datamaskin, får du normalt svar på søknaden innan to dagar.

Dersom søknaden må bli behandla av ein saksbehandlar, må du rekne med fleire vekers ventetid. Vi jobbar så raskt vi kan, og gjer det vi kan for at du skal få svar så fort som mogleg.

Type søknad Behandlingstid
Søknad om lån og stipend for elevar og studentar i Noreg Inntil 7 veker
Søknad om lån og stipend for studentar i utlandet Inntil 7 veker
Søknad om tilleggsstipend ved nedsett funksjonsevne Inntil 12 veker
Søknad om foreldrestipend Inntil 16 veker
Søknad om sjukestipend Inntil 20 veker
Nye opplysningar til ein søknad som er ferdig behandla Inntil 20 veker
Klage Inntil 20 veker
Svar på årleg kontroll av utdanning i utlandet Inntil 5 veker
Betalingsutsetting Inntil 4 veker
Sletting av renter* Inntil 22 veker
Sletting av gjeld for fullført grunnskolelærar- og lektorutdanning Inntil 20 veker
Sletting av gjeld etter å ha fullført visse lærarutdanningar Inntil 24 veker
Sletting av gjeld for busette i utvalde kommunar (søkt til og med juni 2026) Inntil 24 veker
Sletting av gjeld for busette i utvalde kommunar (søkt frå og med juli 2026) Inntil 12 veker
Sletting av gjeld for uføre  Inntil 12 veker

*) Dersom du har søkt om betalingsutsetting i tillegg til rentesletting, og du berre kan få betalingsutsetting om du har rett til å få sletta renter, behandlar vi begge søknadane samtidig. Du får normalt svar innan ein månad.

Skal klagen din avgjerast i klagenemnda?

Les om klagenemnda og sjå oversikt over møtedatoar hausten 2026.

Svartid på e-post frå Dine sider: Cirka 10 dagar

Mange sender oss e-post og derfor tar det dessverre noko lengre tid før du får svar frå oss enn til vanleg. Kundesenteret vårt svarar på e-postar innan cirka 10 dagar. 

Nokre e-postar får lengre svartid

I nokre tilfelle må saka bli vurdert av ein saksbehandlar, og då er svartida på e-post lengre enn 10 dagar. 

Logg inn for å sjå når du kan vente svar

På Dine sider står det når du kan vente svar på søknaden din om lån og stipend. Det kan likevel ta lengre tid enn den datoen du ser på Dine sider, særleg om sommaren og hausten når det er mange som søker om lån og stipend.

Logg inn på Dine sider

Kvifor er det lang behandlingstid?

På sommaren og hausten får vi inn mange spørsmål og søknader om lån og stipend.

Vi jobbar for at du skal få svar så fort som mogleg. Om søknaden din manglar opplysningar, eller vi må sjekke dei, vert søknaden ikkje behandla automatisk, men ein saksbehandlar må vurdere han. Då hamnar han i kø, og det tar lengre tid før du får svar.

Vi har ikkje gløymd deg. Vi prioriterar søknadar om lån og stipend, slik at flest mogleg skal få pengar til skolestart. Då må andre førespurnader enn søknadane vente litt lengre. Vi forstår at det er frustrerande å vente lenge på svar frå oss, men vi kan dessverre ikkje flytte saker lengre fram i køen. Vi behandlar saker i den rekkefølgja dei kjem inn.