Ny ordning for distriktskommunar

For å rekruttere personar med utdanning til distriktskommunar, har Stortinget vedtatt at låntakarar som bur i slike kommunar, og som er yrkesaktive, på visse vilkår skal få sletta 25 000 kroner av studielånet sitt kvart år.

Kommunar med sentralitet 5 og 6

Den nye ordninga skal gjelde kommunar som har 5 og 6 på sentralitetsindeksen som Statistisk sentralbyrå lagar.

Gjeld kan slettast når du har oppfylt vilkåra i 12 samanhengande månader (eitt oppteningsår).

Kundar som både bur og arbeider i Finnmark eller Nord-Troms, kan framleis søke om sletting av gjeld etter den eksisterande ordninga for denne regionen (innsatssona), uavhengig av kommunen sin sentralitet.

Når blir det bestemt korleis ordninga blir?

Det vil ta noko tid før det blir endeleg avklart korleis ordninga blir. Kunnskapsdepartementet fastsett forskrifter for ordninga. Så snart dette skjer, vil vi informere om vilkåra.

Når kan du søke om sletting?

For at vi skal kunne opne for søknader, må reglane (forskrifta) for ordninga vere fastsett. Følg med på denne sida, så får du vite når søknaden opnar.

Reglane er ikkje fastsett

Kunnskapsdepartementet vil fastsette forskrifter for denne ordninga.
Du vil kunne søke om sletting når forskrifter er fastsett og søknaden er klar.
Følg med på denne sida!