Flygarutdanning er som regel ei fagskole- eller bachelorutdanning. Gå til sidene for fagskole eller universitet og høgskole for å berekne kor mykje lån og stipend du kan få.
I tillegg kan du få eit ekstralån til skolepengar på inntil 440 768 kroner per studieår i maksimalt to år.
Skal du ta flygarutdanning i Luftforsvaret, får du ikkje lån og stipend, fordi du får lønn under utdanninga.
Det er ikkje ein eigen søknad om ekstralånet, du søker automatisk om det dersom du vel maksimalt lån i den vanlege nettsøknaden og tar ei godkjend trafikkflygarutdanning.
Konkurs ved Pilot Flight Academy
Det er ikkje eigne reglar for studentar ved lærestader som går konkurs. Tok du utdanning ved Pilot Flight Academy og er ramma av konkursen, har du rett til studiestøtte til og med 15. januar. Det betyr at du ikkje får utbetalt meir lån etter utbetalinga i desember 2025.
Om du ikkje lenger har rett til støtte frå Lånekassen, blir det lagt til renter på lånet frå 16. januar. Den første rekninga får du om lag sju månader seinare. Du kan utsette betalinga dersom du ønsker det.
Startar du på ei anna fulltidsutdanning i vårsemesteret, må du hugse å søke om studielån på nytt innan fristen 15. mars. Held du fram som fulltidsstudent våren 2026 og får støtte frå Lånekassen, blir det ikkje lagt til renter på lånet ditt.
Studentane som er ramma av konkursen, og som får lån og stipend frå Lånekassen, vil få eigen informasjon frå Lånekassen på Dine sider. Ta gjerne kontakt med oss dersom du har spørsmål.