Eit godt og sosialt miljø
Vi er rundt 80 tilsette frå ulike avdelingar i Lånekassen: IT-medarbeidarar, saksbehandlarar og tilsette som jobbar med datautveksling og kommunikasjon med tilsette på lærestadene. Det er den gode miksen av folk som gjer at det blir eit godt arbeidsmiljø!
Vi har ein eigen sos.kom, som steller i stand til festlegheiter og sosiale samankomstar. I tillegg har vi mange ulike sosiale grupper som møtast jamleg: for eksempel går vi tur saman, vi har ei klatregruppe, og løpegruppa motiverer kvarandre til å yte litt ekstra (i år var det fleire av oss som deltok i Trondheim maraton). I tillegg har vi strikkeklubb og ein filmklubb. Det skal vere noko for alle, og alle er velkomne til å delta på alt.
Vi byr også på sykkelparkering og gode garderobefasilitetar. Og om du vil, kan du ete deg mett i den fine kantina vår, som serverer varm mat og byr på ein god salatbar.
Hos oss på Brattørkaia finner du lys og varme – sommar som vinter.