Du bruker den same søknaden som dei som søker om stipend til vidaregåande skole. Det er altså ikkje ein eigen søknad for førebuande opplæring eller grunnskole.
Du bruker også denne søknaden om du skal søke om flyktningstipend.
I søknaden blir du spurd om å samtykke til at vi hentar informasjon frå Vigo. Dersom du samtykker, hentar vi informasjon om kva skole og utdanningsprogram du skal ta. Dersom du ikkje samtykker, må du velje utdanningsprogram og skole frå ei liste.
Då må du sende inn kopi av vedtaket frå kommunen eller Nav som viser perioden du får introduksjonsstønad
Då må du sende inn stadfesting frå kommunen eller Nav som viser kva for dato du fullførte introduksjonsprogrammet.
Du får svar, eller beskjed om status for søknaden, innan 24 timar.
Søknaden er ikkje synleg på Dine sider med éin gong, men så lenge du har fått kvittering, har vi fått søknaden din. På Dine sider får du også informasjon om anslått behandlingstid for søknaden din.
No kan du søke om stipend og lån for 2024–2025.
Søknadsfrist er 15. november for haustsemesteret, og 15. mars for vårsemesteret.
