Søknad om stipend og lån til vidaregåande opplæring i Norden

I søknaden søker du om utstyrsstipend, bortebuarstipend, reisetilskot, skolepengelån og eventuelt lån for deg over 18 år og stipend og lån til språkkurs.

Du kan også velje å søke om inntektsavhengig stipend om familien din har svak økonomi. Du får spørsmål om du vil søke om det i søknaden.

Det er eigen søknad for å søke om stipend til skolepengar.

Vi får ikkje informasjon om deg frå skolar eller folkeregister utanfor Noreg. Du må derfor dokumentere både at du har opptak ved skolen og bustad om du er bortebuar.

Skal du betale skolepengar, må du fylle ut søknad om stipend til skolepengar (pd) og legge ved stadfesting på skolepengar frå den utanlandske skolen din.

Dersom du søker om inntektsavhengig stipend, må du også bekrefte foreldra dine si inntekt og andre familieforhold.

Denne dokumentasjonen må du sende til oss etter at du har søkt om lån og stipend. Du kan laste den opp på Dine sider på lanekassen.no eller sende den i posten.

Saka blir behandla av ein saksbehandlar, så du må rekne med litt tid før du får svar.

Søknaden er ikkje synleg på Dine sider med éin gong, men så lenge du har fått kvittering, har vi fått søknaden din. På Dine sider får du og informasjon om anslått behandlingstid for søknaden din.