Intervju med tilsette

– Det er spennande å vere med på IT-utviklinga. Som testar finn eg ulike feil eller manglar på eit tidleg tidspunkt. Sånn sett får eg også eigarskap til tenestene vi utviklar, samtidig som eg lærer ekstremt mykje under prosessen.  

 Eg er særleg stolt over å ha bidratt i dei større IT-prosjekta eg har vore ein del av. Samtidig er eg også stolt av jobben eg gjorde medan eg jobba som kundebehandlar på kundesenteret. Spesielt dei gongene der mi rettleiing hjelpte kundane ut av ein litt vanskeleg situasjon. Dette gav ofte ei godkjensle ein kan vere stolt av!   

Det er utruleg viktig for meg for å trivst i jobben, og det er fleire kollegaer som har enda opp med å bli gode venner. 

– Det er viktig for meg å vere stolt av arbeidsplassen min, og eg kan med handa på hjartet seie at eg er stolt av å jobbe i Lånekassen, der eg kan ta del i eit viktig samfunnsoppdrag. Lånekassen gjer utdanning tilgjengeleg for alle, vi bryr oss ikkje om bakgrunnen din, vi bryr oss om deg.  

Eg er senior kommunikasjonsrådgivar, og har fagansvaret for kommunikasjonen med tilsette på lærestadene. Dei er ein viktig samarbeidspart for Lånekassen, for i tillegg til at dei rettleier om våre stipend- og låneordningar, har vi masse datautveksling med lærestadene, og desse dataa bruker vi i saksbehandlinga.  

Vi har eit kjempegodt arbeidsmiljø og eg har heilt fantastiske kollegaer. Eg er så heldig å vere omringa av folk som er utroleg flinke i jobben sin. Eg får FOMO av å vere borte frå jobb, og det er jo eit godt teikn! Eg gler meg til å gå på jobb kvar dag!